SURAT UNDANGAN

Jakarta Rabu,10 February 2021

Mandapothon Napinarsangapan

Natua-Tua Borsak Jungjungan Silaban Sa Indonesia (Saportibi)

Boru,Bere,Ibebere

Di

Inganan ta be.

Horas Jala Gabe ma di hita saluhut na Pomparan ni Oppungta Borsak Jungjungan.

Horas Tondi Madingin Pir Tondi Matogu,

Tampakna Do Tajomna Rim ni Tahi do Gogona.

Marhite surat on, hami sian Pangurus Borsak Jungjungan Silaban (Na Tua-Tua) ro mardongan unduk ni roha ima nalaho mangontang angka Damang Dainang Haha Anggi nang Pinaribot,Bere nang Ibebere di ingananta be,naeng Patolhashon sangkap nauli Pajongjong sangap ni Oppungta Borsak Jungjungan.nungnga adong dos ni tahi dohot angka na Tua-Tua na di Bona Pasogit dohot na diparserahan,laho patupaonta ma nian sada Partanda ni Oppungta Borsak Jungjungan Silaban di Bona Pasogit Tipang.Hirim do roha sude hita Pomparan marsaulihon marhite Pambahenan,gogo,tingki dohot Pingkiran.jala saluhut na hita laho mangulahon di tingki na lehet nalaho Ojakhononta.

Marhite surat on ma nian na gabe Parhitean pabotohon tu hita saluhut pomparanni Oppui,jala pinangidohon na adong punguan na marluat-luat asa di pabotohon Pengurus wilayah.molope dang adong punguan asa tinggil martinangi barita na dipabotohon tu luat na be.

Marsitungkol-tungkolan ma hita patulushon na sinangkapan ni rohatta,dihirim roha patuapon ta ma Pesta Partangiangan 10-10-2021 jala nungnga singkop jongjong hasangapon ni Opputta Borsak Jungjungan.

Naeng baenonta ma Pajongjong Batu di Bulan Maret 2021 on.Di angha Pangurupion pabotohonon nami ma marhite angha Panitia Dohot Pengurus di ganup na marluat-luat

Disiala dos ni Roha,gogo nang Pikkiranta,hupasahat hami ma hata mauliate.

Horas Horas Horas…

Jakarta,10 February 2021

Pengurus Borsak Jungjungan Silaban Saportibi.

(SAHAT SILABAN)

KETUA